Қалалық емхана №8

Көбінесе вакциналардың құрамы туралы сөз болған кезде, «тұрақтандырғыштар», «адъюванттар», «консерванттар» сияқты терминдер айтылады.  Вакцина құрауыштарының мағынасын білмей, ата-аналар кейде бұл компоненттер зиянды болуы мүмкін деп ойлайды. Бүгін біз мұның не екенін айтып беріп, күмәнданып жатқандарды сендіруге тырысамыз.

Тұрақтандырғыштар сақтау және тасымалдау кезінде вакцинаныңтұрақтылығын сақтау үшін қолданылады. Олар препараттың құрамдас бөліктері арасындағы химиялық реакциялардың алдын алады, оны температураға және қоршаған орта жағдайларына тұрақты ете алады.

Адъюванттар – бұл ағзаның вакцинаға иммундық реакциясын күшейтуге, демек, егілген инфекцияға қорытынды иммунитетті күштірекжәне тиімді етуге арналған компоненттер. Олар сондай-ақ вакциналарды қауіпсіз етеді, өйткені адъюванттардың ашылуымен біз вакцинадағы антигендердің мөлшерін айтарлықтай азайттық жәнетірі емес вакциналардыңтиімділігін жақсарттық.

Вакциналарды консерванттарсыз ұзақуақыт сақтауға болмайды. Өйткені, консерванттар вакцинаның стерильділігін сақтайды, оны микроорганизмдердің енуінен қорғайды. Консерванттар көп дозалы вакциналар үшін әсіресе маңызды.

Вакцинаның барлық компоненттері препараттың бөлігі ретінде жеке және бірге қауіпсіздігі мен ағзаға тигізетін әсері бойынша бірнеше рет сынақтан өткенін есте ұстаған жөн.

Вакциналар туралы толығырақ egu.kz сайтынан оқыңыз